Հայաստան են վերադարձել ավելի քան 40 հազար ՀՀ քաղաքացիներ
Բաժին: Գլխավոր, Հասարակություն 30-06-2020, 11:21
[ԼՈՒՍԱՆԿԱՐ]
Մարտի 15-ից մինչ այժմ պարետատան ու ԱԳՆ ջանքերով աշխարհի տարբեր երկրներից Հայաստան են տեղափոխվել շուրջ 8 000 ՀՀ քաղաքացիներ, որոնք կորոնավիրուսի հետ կապված իրավիճակով պայմանավորված չէին կարողանում վերադառնալ հայրենիք:

Այս մասին «Ֆեյսբուք»-ի իր էջում գրել է փոխվարչապետ, արտակարգ դրության պայմաններում պարետ Տիգրան Ավինյանը։

«Ընդ որում, 2200-ի տեղափոխումը կազմակերպվել է անվճար տարբեր բարերարների աջակցությամբ, ինչպես նաև վարված բանակցությունների արդյունքում: Տեղափոխումների աշխարհագրությունը շատ լայն է՝ ԱՄՆ-ից մինչև Թուրքիա, Հնդկաստանից մինչև Ռուսաստան:

Իսկ ընդհանուր առմամբ պարետատան կողմից տրված թույլտվությունների հիման վրա իրականացված թռիչքների արդյունքում Հայաստան են վերադարձել ավելի քան 40 000 ՀՀ քաղաքացիներ»,- գրել է Ավինյանը։

Փոխվարչապետը տեղեկացրել է, որ պարետատան կազմակերպած չորս հատուկ չվերթներով Չինաստանից Հայաստան են տեղափոխվել նոր տիպի կորոնավիրուսի դեմ պայքարի համար անհրաժեշտ բժշկական պարագաների և սարքավորումների խմբաքանակներ, այդ թվում՝ թոքերի արհեստական օդափոխման սարքեր, թթվածնի մատակարարման կայաններ ու կոնցենտրատորներ, կորոնավիրուսի ախտորոշման թեստեր, բիոքիմիական հումք՝ թեստեր պատրաստելու համար, բժշկական պաշտպանիչ արտահագուստ ու դիմակներ:

Դիտումներ: 165 Մեկնաբանություններ: 0

Ինֆորմացիա

Չգրանցված հաճախորդները իրավունք չունեն թողնել մեկնաբանություններ
© 2008 - 2013 tsayg.am
կայքի ստեղծումը՝ ПАША АЙВАЗЯН