Խոշոր ավտովթար Շիրակի մարզում
Բաժին: Գլխավոր, Հասարակություն 2-11-2019, 16:44
[ԼՈՒՍԱՆԿԱՐ] Նոյեմբերի 2-ին, ժամը 15:08-ին «911» ծառայություն տեղեկություն է հաղորդվել, որ Շիրակի մարզի Արթիկ քաղաքի թիվ N զորամասի մոտակայքում տեղի է ունեցել ՃՏՊ՝ բախվել է երկու ավտոմեքենա, որոնցից մեկում կա արգելափակված քաղաքացի. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ:

Պարզվել է, որ Ղարիբջանյան փողոցի տներից մեկի դիմաց բախվել են «ԿամԱԶ» (վարորդ՝ Համլետ Շ., ծնված 1979 թ.) և «ՎԱԶ-2107» (վարորդ՝ Ավագ Պ., ծնված 1964 թ.) մակնիշների ավտոմեքենաները. Ավագ Պ.-ն տեղում մահացել է:

Փրկարարները սահմանազատել են տարածքը, հոսանքազրկել ավտոմեքենաները, փակել «ՎԱԶ-2107» մակնիշի ավտոմեքենայի գազի բալոնի փականը, դին դուրս բերել ավտոմեքենայից և մոտեցրել շտապօգնության ավտոմեքենային:

Փրկարարներն իրականացրել են ավտոճանապարհի լվացման աշխատանքներ:


Դիտումներ: 20967 Մեկնաբանություններ: 0

Ինֆորմացիա

Չգրանցված հաճախորդները իրավունք չունեն թողնել մեկնաբանություններ
© 2008 - 2013 tsayg.am
կայքի ստեղծումը՝ ПАША АЙВАЗЯН